Tag Üch!

Ghörsch die lüpfig Melodie?
Das müend au glatti Mannä sii!
Spielt ei Bass und zwei Örgeli
Vergissisch glii Chummer und Sörgeli.
Stimmid mier es Liedli aa
bald keine meh ruhig sitze cha.
Uf de Gsichter gsehsch es Lache,
was cha eim no glücklicher mache?
Im Winter es Lutz, im Summer es Bier –
nüd schlächt, das gfallt am Chalb und au am Stier!
Mit Musig vo Härze und Freud im Buuch
Pflegid mier z’dritte dä schwiizer Bruuch.
Bodeständig, urchig oder modärn –
Sie buechid üs – wie hättet sie’s gärn?
Gar nid oder ganz –
Das isch s’Echo vom Chalberschwanz.